அமெரிக்காவுக்கு தபால் சேவைகள் முழுமையாக நிறுத்தம் – தபால் துறை அறிவிப்பு!

அமெரிக்காவுக்கு தபால் சேவைகள் முழுமையாக நிறுத்தம் – தபால் துறை அறிவிப்பு!

இந்திய தபால் துறை வெளியிட்டுள்ள சமீபத்திய அறிவிப்பில், அமெரிக்காவுக்கு அனுப்பப்படும் அனைத்து வகை தபால் சேவைகளும் முழுமையாக நிறுத்தப்பட்டுள்ளதாக தெரிவிக்கப்பட்டுள்ளது.

என்ன அறிவிப்பு?

👉 ஆகஸ்ட் 22, 2025 அன்று வெளியிடப்பட்ட முன் அறிவிப்பை தொடர்ந்து, ஆகஸ்ட் 29, 2025 அன்று வெளியிடப்பட்ட புதிய அறிவிப்பில், அமெரிக்காவுக்கு அனுப்பப்படும் அஞ்சல் சேவைகள் மீண்டும் பரிசீலிக்கப்பட்டதாக தபால் துறை தெரிவித்துள்ளது.

👉 ஆனால் அமெரிக்காவுக்கு அஞ்சல் கொண்டு செல்லும் விமான சேவைகளின் இயலாமை மற்றும் தெளிவான கட்டுப்பாட்டு விதிமுறைகள் இல்லாத நிலை காரணமாக, அமெரிக்காவுக்கு அனுப்பப்படும் அனைத்து வகை அஞ்சல்களின் முன்பதிவு (Booking) முழுமையாக நிறுத்தப்பட்டுள்ளது என்று உறுதிப்படுத்தப்பட்டுள்ளது.

இதன் அடிப்படையில்,

கடிதங்கள்,

ஆவணங்கள்,

பரிசுப் பொதிகள் (100 அமெரிக்க டாலர் மதிப்பிற்குள்)
உட்பட அனைத்து வகை அஞ்சல்களும் இப்போது ஏற்கப்பட மாட்டாது.


ஏற்கனவே அனுப்பியவர்கள்?

இந்நிலையில் ஏற்கனவே பதிவு செய்யப்பட்டு அனுப்பப்படாமல் உள்ள பொருட்களுக்கு அஞ்சல் கட்டணத் தொகையை மீளப் பெறலாம் என தபால் துறை அறிவித்துள்ளது.

எப்போது தொடங்கும்?

“நிலையை தபால் துறை தொடர்ந்து கண்காணித்து வருகிறது; விரைவில் சேவைகளை மீண்டும் தொடங்க அனைத்து முயற்சிகளும் மேற்கொள்ளப்படும்” எனவும் அதிகாரப்பூர்வ அறிவிப்பில் கூறப்பட்டுள்ளது.

இதனால், அமெரிக்காவுக்கு ஆவணங்கள் அல்லது பொருட்கள் அனுப்ப வேண்டியவர்கள் தற்போது தனியார் கூரியர் சேவைகளையே நம்ப வேண்டிய நிலை உருவாகியுள்ளது.